حبيبي يا ( عشاق المطرب محمد فؤاد )
السلااااااااااااااااااام عليكم

أهلا ومرحبا بكم في موقع ومنتديات ( حبيبي يا )
لعشاق المطرب محمد فؤاد

وأنت غير مسجل الآن
فعليك بالتسجيل فورا

حبيبي يا ( عشاق المطرب محمد فؤاد )

اخر عضو مسجل هو (داود) فمرحباً به
 
الرئيسيةمكتبة الصورالكليبات الفؤاديةالدردشة الفؤاديةس .و .جبحـثالتسجيلدخول

شاطر | 
 

 يبقى أتجوز ليه.. وأنا مالي؟!

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
MIDO_MIX
حبيبي يا حبيبي
حبيبي يا حبيبي
avatar

ذكر
المساهمات : 2135
البلـد : القاهره
معدل النشاط : 18604
سجل في : 17/06/2007

مُساهمةموضوع: يبقى أتجوز ليه.. وأنا مالي؟!   الإثنين 03 سبتمبر 2007, 9:57 pm


[ندعوك للتسجيل في المنتدى أو التعريف بنفسك لمعاينة هذه الصورة]







[ندعوك للتسجيل في المنتدى أو التعريف بنفسك لمعاينة هذه الصورة] [ندعوك للتسجيل في المنتدى أو التعريف بنفسك لمعاينة هذه الصورة]










[ندعوك للتسجيل في المنتدى أو التعريف بنفسك لمعاينة هذه الصورة]


[ندعوك للتسجيل في المنتدى أو التعريف بنفسك لمعاينة هذه الصورة]






[ندعوك للتسجيل في المنتدى أو التعريف بنفسك لمعاينة هذه الصورة]










_ _ _ _ __ _ _ _ _ _ _ _ _ _ _ _ _ _


أنا مرتبطة إذن أنا سعيدة...!!
والموقف ده بيتكرر كتير يمكن مش بنفس السيناريو لكن بأشكال تانية
ماتختلفش كتير بيحاول فيها طرف من أطراف العلاقة إنه يتحكم في الطرف
التاني، ويحاول يضمن لنفسه كل المميزات من غير ما يبذل أي مجهود أو يقدم
أي حاجة، على اعتبار إن الطرف التاني محتاج له و"هيموت من غيره"، وخصوصاً
في ظل ارتفاع سن الزواج وزيادة نسبة العنوسة.. صحيح فيه بنات بتتصرف نفس
تصرف "العريس" إياه، وتفضل تشرط وتتشرط ولا كأنها ملكة زمانها.



ولكن النتيجة بتكون زي ما البنت اللي فوق عملت، ورفضت الموضوع كله
وإحساسها إن الارتباط بإنسان بالشكل ده معناه التعاسة الأبدية "في حالة
الاستمرار" أو الانفصال السريع مع وجود طفل أو طفلين.. وطبعا بيكون الوضع
اللي هي فيه أصلا "من غير ارتباط" أفضل 100 مرة من أي وضع تاني.

[ندعوك للتسجيل في المنتدى أو التعريف بنفسك لمعاينة هذه الصورة]
ولكن ومن ناحية تانية فيه ناس بتقبل بالأوضاع دي خوفاً من شبح العنوسة
والوحدة وعدم الارتباط والرغبة في الاستقرار وتكوين أسرة ووجود أبناء
و.... و.... و....


والفكرة دي -اللي هي الارتباط وخلاص بأي
شكل وبأي صورة والخوف من الوحدة والعنوسة- بتكون موجودة ومسيطرة بشكل كبير
على البنات وبالذات اللي تخطوا الثلاثين.



فكتير من اللي بيوصلوا للسن ده من غير ارتباط بيبدأوا في التقهقر والتنازل
عن أي أحلام أو مطالب أو أمنيات بتكون البنت عايزاها في شريك حياتها
وبيكون عندها أو عند أسرتها استعداد للقبول بأي خاطب مهما كانت عيوبه أو
مهما كانت أوجه الاختلاف على أي مستوى بينهم، وده كله علشان يطّمنوا
عليها، وإنها بقت في "ذمة راجل"، وإنها هتضمن الأسرة والبيت والحياة
المستقلة و... و... و.. وبالتالي هتكون سعيدة.



ولكن السؤال هل الطريقة دي فعلاً هتحقق السعادة، يعني هل السعادة هتتحقق
بمجرد الارتباط ولا الارتباط ده مجرد وسيلة لتحقيق السعادة... وفي هذا
اختلفت الأقوال.

الجواز بين الخوف عليه والخوف منه!

[ندعوك للتسجيل في المنتدى أو التعريف بنفسك لمعاينة هذه الصورة]
منى: نفسي أعرف بجد الغلط فين؟
وإيه اللي بيحصل وبيخلّي أي حد يُعجب بيّا ميكملش معايا؟... ده أنا بشهادة
معظم اللي حواليّا جميلة، ومؤدبة، وهادية.. يمكن علشان كده! والزمن ده
مبقاش عايز إلا الناس الروشة. طيب يعني مفيش فايدة...!!

[ندعوك للتسجيل في المنتدى أو التعريف بنفسك لمعاينة هذه الصورة]
مي: يعني هيحبني ولا هيرضى
يتجوّزني على إيه ده أنا تخينة وقصيرة، صحيح شخصيتي قوية وعندي عيون
بشهادة الجميع ولا عيون المها وشعري طويل وناعم لكن برضه ده مش كفاية أكيد
هيسيبني، طيب وأنا أستنى ليه؟.. هاسيبه قبل ما يسيبني...!!

[ندعوك للتسجيل في المنتدى أو التعريف بنفسك لمعاينة هذه الصورة]
سلمى: بالذمة إيه اللي أنا
قلته ده؟!... هو أنا هافضل كده على طول اللي في قلبي على لساني. هو يعني
ماينفعش أتعلم أزوق كلامي شوية.. أكيد طبعا هيفكر ألف مرة قبل ما يكلمني
تاني...!!

[ندعوك للتسجيل في المنتدى أو التعريف بنفسك لمعاينة هذه الصورة]
نها: لازم العلاقة دي تنجح وإلا العيلة كلها هتشمت فيّا وأصحابي هيتّريقوا عليّا.. لازم... لازم... لازم...!!

[ندعوك للتسجيل في المنتدى أو التعريف بنفسك لمعاينة هذه الصورة]
نجلاء: مش قادرة أحس بالسعادة
اللي أنا فيها دايما خايفة من المستقبل ومن تكرار تجارب اللي حواليّا
وباسأل نفسي على طول إمتى هيبطل يحبني...!!

[ندعوك للتسجيل في المنتدى أو التعريف بنفسك لمعاينة هذه الصورة]
شروق: وأنا عليّا من وجع القلب
ده بإيه؟... يعني اللي خلقه ماخلقش غيره، وحتى لو مفيش غيره.. أنا خلاص مش
هاعذب نفسي تاني.. أنا مش محتاجة لحد في حياتي، وأقدر أعتمد على نفسي في
كل حاجة... أنا خلاص قررت أن لا حب بعد الآن!
والأفكار دي وغيرها زي:

الحب وجع قلب.

لو متجوزتش قبل سن الثلاثين يبقى ضعت خلاص.

لازم أحمي نفسي من الوقوع في الحب.

لازم أعمل له اختبارات كتير علشان أتأكد إنه بيحبني.
الأفكار دي رغم اختلافها الظاهري إلا إنها كلها وبلا استثناء بتعكس اهتمام زايد جدا بالحب والارتباط وكمان الخوف منه.

جواز آه....آه

[ندعوك للتسجيل في المنتدى أو التعريف بنفسك لمعاينة هذه الصورة]
فـ"منى"، و"مي"، و"نها"، و"سلمى" ممكن يكونوا اتأخروا شوية في الجواز
أو بمعنى تاني ماتخطبوش، أو ماتجوزوش وهما "لسّه في اللفة" فبيكون عندهم
قلق زيادة شوية من التأخير ده وحتى لو دخلوا في علاقة بيكونوا قلقانين جدا
من فشلها ومابيحطوش في دماغهم للحظة واحدة إن استعجالهم ولهفتهم على
الجواز واعتبار إن من غيره هيكونوا كائن ناقص وملهوش أهمية، وإن الجواز هو
"كل الحياة" واللا جواز يعني الموت الزؤام.


ومابياخدوش
بالهم كمان إن "اللهفة" دي هي سبب من أسباب التأخير ده؛ لأنهم بيكونوا في
حالة قلق وتوتر دائم وده بيظهر من غير حتى ما يتكلموا فبيظهر من النظرات
والحركات وبشكل غير مباشر وده بيخلي الطرف التاني يقلق ويطرح ألف سؤال عن
سبب هذه "السربعة" بل والاستهجان منها وبالتالي الزوغان.



وده لأنه بيحس إن فيه "حاجة غلط" فبدل ما يكون هو اللي مستعجل وعايز يثبت
حبه ويبين اهتمامه "خصوصا يعني في الأول" بيلاقي إن الطرف اللي قدامه أضاف
ليه مسئوليات، وبدل ما هو اللي بيدور على الرعاية والاهتمام بيلاقي نفسه
مطالب إنه يوفرهم.
ومش معنى كده طبعا إن الزوج مش مطالب بتوفير الرعاية لزوجته وأولاده
لكن اللهفة والاستعجال دي بتتفسر بعدم رضا عن الحياة الحالية ورغبة في
التخلص منها، ومعنى كده إنه بيحس إن الفتاة محملة بالهموم ومعندهاش القدرة
أصلاً للعطاء، وبالعكس هتاخد من استقلاليته وانطلاقه و"هتحمله همومها".
وعلشان نكون أكثر وضوحا _بس من غير ما الأولاد يزعلوا_ أكتر حاجة بتخلي
الشباب يأجِّل فكرة الجواز هو الخوف من المسئولية وأن تزيد عليه واجبات
تجاه طرف أو أطراف تانية.

[ندعوك للتسجيل في المنتدى أو التعريف بنفسك لمعاينة هذه الصورة]
لكن مش معنى كده إن الشباب أو الجنس الذكوري مابيقدّمش حاجة أو بياخد
بس؛ لأن بمنتهى البساطة مفيش حد بيكون عايز يحس إنه كائن طفيلي أو عالة
على الآخرين وبياخد وبس فده شعور متعب لأي حد.


لكن العطاء
وتقديم العروض الأفضل جدا يكون باختياره الحر والمطلق وإنه هو نفسه يكون
عايز يقدم علشان "عايز يقدم" مش لأنه مضطر لكده.



فلما يسأل نفسه إيه اللي ممكن أقدمه ليها علشان أحافظ عليها وأخليها تستمر
في حبي أفضل كتير لما يسأل نفسه يا ترى إيه اللي هتاخده مني، ولاّ إيه
الخسائر اللي هتجيلي من ارتباطي بيها.



ففي الحالة الأولى أصبحتِ مهمة فعلا بالنسبة له وحاسس إنِّك إضافة حقيقية
ليه مش عالة عليه ولا هتشيّليه بس همومك وهموم أولادك _اللي هم أولاده
برضه_ وكمان بقى متأكد إنك هتكوني سند ومساعد ليه مش بس في البيت لكن في
الحياة عموما.



لكن فكرة الخسارة أيا كانت بتخليه يعيد التفكير مرة واتنين وتلاتة ويختار
في الغالب إنه يبعد خوفا من إنه يخسر السعادة اللي هو فيها فعلا.

جواز لأ... لأ

[ندعوك للتسجيل في المنتدى أو التعريف بنفسك لمعاينة هذه الصورة]
سارة: هيجنني بجد هيجنني فشوية يبقى ملهوف عليّا وباحس إنه مش ممكن
يستغنى عني ولا يقدر يبعد ثانية واحدة ولا يبطل يحبني، وشوية تاني باحس
ولا كأني في باله أصلا وإنه يقدر يبيعني في لحظة واحدة من غير أي ذرة تردد.
يا ربي هو أنا كان إيه اللي خلاني أحب ما أنا كنت عايشة سعيدة ومبسوطة
وملكة زماني لا باسهر ولا باحتار وعايشة حياتي 24 قيراط، وحتى لو واحدة
رمت كلمة كده ولا كده ولا كنت باحط في بالي أصلا وكنت عارفة إن أنا كويسة
قوي ومش ناقصني حاجة.



إيه بس اللي حصل لي وإزاي سِبت نفسي أوصل للمرحلة دي ويا ترى ممكن أرجع تاني زي الأول ولاّ ده بقى شيء صعب خلاص.
والموقف ده بيحصل لبنات بتتأخر برضه في الارتباط بس من غير ما يكون
عندها لهفة ولا سربعة لكنهم بيكونوا رافضين أصلاً الفكرة وبيحاولوا يقنعوا
نفسهم إن حياتهم أكيد هتكون أحسن وهم لوحدهم من غير ما حد يضايقهم أو
يقيدهم أو يفكر يخونهم ويبقوا مضطرين لخدمة حد ورعايته وتلبية طلباته.



أو إن حد يتحكم فيهم وفي مشاعرهم ويسبب لهم التعاسة أو الحيرة والقلق في حالة الغياب أو في حالة عدم الاهتمام.



وبيكونوا خايفين من الهجر والفراق والعذاب في البعد والقرب نتيجة للي
بيشوفوه ويسمعوه وبيخافوا يكرروا التجارب دي وبيفضلوا يبعدوا عنها أحسن.



والحالة دي هي نوع برضه من الاهتمام الزايد بالحب والارتباط وإن كان بياخد
شكل عكسي تماما لكن النتيجة بتكون واحدة وهي "عدم الارتباط" نتيجة للخوف
منه.

الجواز جواز لا هو حياة ولا كمان موت
والخلاصة واللي عايزين كلنا نعرفه مع بعض ونحطّه في بالنا كويس قوي إن
الجواز مش نهاية المطاف وإن في الحياة حاجات كتير قوي حلوة غير الارتباط.

ومن ناحية تانية ماحدش يقدر ينكر إن الارتباط مهم لتحقيق الاستقرار والأمان وغيرها من أهداف.



ولكن ده عمره ما هييجي بالتسرع واللهفة وعدم تحكيم العقل كويس قبل الإقدام
على خطوة مهمة زي دي بيترتب عليها مش حياة طرف واحد لأ ده كمان بيأثر في
حياة أطفال مالهمش أي ذنب في إساءة الاختيار.



بمعنى أوضح الارتباط مش زي الهواء والميه اللي من غيرهم فعلا تكون نهاية
الحياة لأي كائن حي "لكن هو وسيلة علشان حياتنا تكون فيها حاجات حلوة
أكتر، وعشان ده يتحقق يبقى مش لازم نستعجل ونقعد نلوم القدر إننا مالقيناش
الإنسان المناسب ونحط في اعتبارنا إن كل شيء بأوان وإن حتى لو مالقيناش
الطرف التاني فممكن جدا الحياة تستمر؛ لأن فيها حاجات كتير قوي تستحق إنها
تستمر عشانها وماندخلش في علاقة لمجرد الهروب من البيت مثلا أو التخلص من
الحياة اللي عايشينها ونحاول ندور على الحاجات الكويسة واللي أكيد موجودة
ونركز فيها ونطورها.



وكمان مانخليش الخوف هو المحرك والدافع لينا لخسارة أي شكل من أشكال
السعادة سواء اللي احنا فيها فعلا أو اللي ممكن نحصل عليها من الارتباط.

منقوووووووووووووووووول
]

_______ حبيبي يا حبيبي يا حبيبي _______

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
MIDO_MIX
حبيبي يا حبيبي
حبيبي يا حبيبي
avatar

ذكر
المساهمات : 2135
البلـد : القاهره
معدل النشاط : 18604
سجل في : 17/06/2007

مُساهمةموضوع: رد: يبقى أتجوز ليه.. وأنا مالي؟!   الثلاثاء 04 سبتمبر 2007, 9:29 pm

يااااااااااااااااااااااااريت يعجبكم

_______ حبيبي يا حبيبي يا حبيبي _______

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
oso
حبيبي يا حبيبي
حبيبي يا حبيبي
avatar

المساهمات : 2118
معدل النشاط : 18592
سجل في : 19/06/2007

مُساهمةموضوع: رد: يبقى أتجوز ليه.. وأنا مالي؟!   السبت 08 سبتمبر 2007, 12:41 am

بص انا رايي وبصراحه
انا برفض الراي اللي بيقول ان الواحده مننا تقبل انها ترتبط بالطرف التاني علشان خايفه من
العنوسه او الناس هيقولوا عليها حاجه او اي كلام من ده
يعني تبقي جوازه وخلاص والسلام حتي لو كان الطرف ده انسان متحكم ومتسلط وبيفرض رايه
وخلاص يعني مفيش اي توافق بينهم وكمان بيستغل حبها ليه وبيضغط عليها
مفروض انها تاخد موقف وترفض فعلا من الاول قبل ما الموضوع يكمل وتتجوز ويضطروا
يسيبوا بعض وفي اطفال ساعتها الموقف هيبقي اصعب والاطفال هي اللي هتدفع التمن
واحنا عندنا مشكله هنا في مصر ان البنت خلاص لو عدت سن ال30 بيقولوا عليها عانس
مش عارفه ليه مع ان دلوقتي اللي بيتجوزا بقوا بيتجوزوا في سن متاخر بسبب ان كل حاجه
بقت اسعارها مرتفعه والبطاله والشباب هايص ومش عارف يكون نفسه واسباب كتيره اوي
فحرام بجد اننا نقول علي اي بنت متجوزتش عانس لان ده بيبقي نصيب
ومفروض فعلا زي ما قلت ان اي شاب يفكر انه يتجوز لازم يكون عارف ان الجواز ده مسؤليه
يعني هيشيل مسؤليه البيت كله وهيبقي راجل البيت فلازم يكون قدها ولو مكنش قدها يبقي
ياجل الجواز لغايه ما يكون قدها لانها مسؤليه كبيره
ولازم هما الاتنيين يشتركوا في المسؤليه دي ويبنوا البيت مع بعض يعني هما الاتنيين مع بعض
والجواز بدايه وحياه جديده في حياه كل اتنيين بس في ايديهيم انهم يخلوها بدايه وحياه جميله
وسعيده وفي ايديهم برضه انهم يخلوها بدايه وحياه تعيسه وكلها مشاكل يعني كل حاجه في
ادينا طالما احنا اخترنا من الاول صح
بشكرك يا ميدو علي الموضوع الجميل ده ومعلش طولت شويه في الرد

_______ حبيبي يا حبيبي يا حبيبي _______

[ندعوك للتسجيل في المنتدى أو التعريف بنفسك لمعاينة هذه الصورة]

لـــــــــو كـــنــــت غــــالـــي عــــلـــيـــك.. خـــد بـــالـــك مــن روحــك بـــعـــدي
بــــلاش اشـــــوف فــــــي عــنــــيـــــك.. اي دمـــوع او حـــزن فــــي بـــــعـــــدي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
beautiful eye
حبيبي يا حبيبي
حبيبي يا حبيبي
avatar

انثى
الابراج : الدلو
القط
المساهمات : 3983
العمر : 29
معدل النشاط : 18550
سجل في : 27/06/2007

مُساهمةموضوع: رد: يبقى أتجوز ليه.. وأنا مالي؟!   الثلاثاء 18 سبتمبر 2007, 1:13 am

هو توبك طويل بس حلو بس انا عن نفسي عندى مشكله غريبه فى الحكايه دى وتعليق اغرب
انا بخاف من فكرة الجواز اساسا ... لانى مش كنت بفكر فيه اساسا بس الغريبه ان فى كل مره حد يحبنى او يعجب بيه على الاقل ويجى عاوز يخطبنى بحس بخوف شديد وتردد اكبر وبحس ان الموضوع ماشي سريع وخلاص انا هادبس فى جوازه ههههههههههههه
وما تفهموش اذاى الموضوع بيجى وينتهى لوحده بدون اى اصابات هههههههه
مش دى المشكله المشكله ان فى الاول بقتنع وشويه شويه بخاف وبعدين ببقى عاوزه افكر اكتر لما تفكيري بيطول او باخد وقت معى نفسي كده الموضوع بيختفى ههههههههههههه
بس كويس النصيب لسه ما جاش
بس بصراحه فكرة الجواز و الارتباط فكره جباره وبترعب لانها مسؤليه ومش كده وبس دى كمان حياه جديده الواحد رايح ليها يمكن رسملها صوره فى دماغه بعكس الصوره اللى فى دماغ التانى ويمكن ده اللى بيهدم الحياه دى معى اول خلاف
بس على فكره فى حاجه كمان احب اعلق عليها:
كلمة عنوسه صعبه شويه مش محبوبه لانها فعلا تعبير قاسي جدا بس الغريب اننا بنقول على الفتاه اللى عدة ال 30 عانس و الشاب اللى عدى ال 30 ان ده سن الشباب والانطلاق هههههههههه
حاجه عجيبه اوى و الاعجب الارتباط نفسه لان من رأي فى حاجات فى الحياه دى اهم او على نفس درجة اهميه الحب و الارتباط و الجواز لانن بما اننا بنبحس عن السعاده فأكيد فى مليون حاجه تانيه بتسببلنا سعاده


وميرسي على التوبك واتمنى انى اكون طولة .... لا مطولتش عليكم ولا حاجه هههههههه

_______ حبيبي يا حبيبي يا حبيبي _______

[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://beautiful90eye.maktoobblog.com/?all=1
MIDO_MIX
حبيبي يا حبيبي
حبيبي يا حبيبي
avatar

ذكر
المساهمات : 2135
البلـد : القاهره
معدل النشاط : 18604
سجل في : 17/06/2007

مُساهمةموضوع: رد: يبقى أتجوز ليه.. وأنا مالي؟!   الأحد 30 سبتمبر 2007, 10:46 pm

oso كتب:
بص انا رايي وبصراحه
انا برفض الراي اللي بيقول ان الواحده مننا تقبل انها ترتبط بالطرف التاني علشان خايفه من
العنوسه او الناس هيقولوا عليها حاجه او اي كلام من ده
يعني تبقي جوازه وخلاص والسلام حتي لو كان الطرف ده انسان متحكم ومتسلط وبيفرض رايه
وخلاص يعني مفيش اي توافق بينهم وكمان بيستغل حبها ليه وبيضغط عليها
مفروض انها تاخد موقف وترفض فعلا من الاول قبل ما الموضوع يكمل وتتجوز ويضطروا
يسيبوا بعض وفي اطفال ساعتها الموقف هيبقي اصعب والاطفال هي اللي هتدفع التمن
واحنا عندنا مشكله هنا في مصر ان البنت خلاص لو عدت سن ال30 بيقولوا عليها عانس
مش عارفه ليه مع ان دلوقتي اللي بيتجوزا بقوا بيتجوزوا في سن متاخر بسبب ان كل حاجه
بقت اسعارها مرتفعه والبطاله والشباب هايص ومش عارف يكون نفسه واسباب كتيره اوي
فحرام بجد اننا نقول علي اي بنت متجوزتش عانس لان ده بيبقي نصيب
ومفروض فعلا زي ما قلت ان اي شاب يفكر انه يتجوز لازم يكون عارف ان الجواز ده مسؤليه
يعني هيشيل مسؤليه البيت كله وهيبقي راجل البيت فلازم يكون قدها ولو مكنش قدها يبقي
ياجل الجواز لغايه ما يكون قدها لانها مسؤليه كبيره
ولازم هما الاتنيين يشتركوا في المسؤليه دي ويبنوا البيت مع بعض يعني هما الاتنيين مع بعض
والجواز بدايه وحياه جديده في حياه كل اتنيين بس في ايديهيم انهم يخلوها بدايه وحياه جميله
وسعيده وفي ايديهم برضه انهم يخلوها بدايه وحياه تعيسه وكلها مشاكل يعني كل حاجه في
ادينا طالما احنا اخترنا من الاول صح
بشكرك يا ميدو علي الموضوع الجميل ده ومعلش طولت شويه في الرد

انا مقتنع برايك 100%
الانسان المتعلم العاقل هو الي لاازم يكون فاهم ان كل واحد مش يقدر يهرب من نصيبه
مش حكايه 30...40
ومفيش حاجه اسمها عنوسه

شكراااااااااااا لمرورك

مطولتيش ولا حاجه انتي نورتي الموضوع

_______ حبيبي يا حبيبي يا حبيبي _______

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
MIDO_MIX
حبيبي يا حبيبي
حبيبي يا حبيبي
avatar

ذكر
المساهمات : 2135
البلـد : القاهره
معدل النشاط : 18604
سجل في : 17/06/2007

مُساهمةموضوع: رد: يبقى أتجوز ليه.. وأنا مالي؟!   الأحد 30 سبتمبر 2007, 10:53 pm

beautiful eye كتب:
هو توبك طويل بس حلو بس انا عن نفسي عندى مشكله غريبه فى الحكايه دى وتعليق اغرب
انا بخاف من فكرة الجواز اساسا ... لانى مش كنت بفكر فيه اساسا بس الغريبه ان فى كل مره حد يحبنى او يعجب بيه على الاقل ويجى عاوز يخطبنى بحس بخوف شديد وتردد اكبر وبحس ان الموضوع ماشي سريع وخلاص انا هادبس فى جوازه ههههههههههههه
وما تفهموش اذاى الموضوع بيجى وينتهى لوحده بدون اى اصابات هههههههه
مش دى المشكله المشكله ان فى الاول بقتنع وشويه شويه بخاف وبعدين ببقى عاوزه افكر اكتر لما تفكيري بيطول او باخد وقت معى نفسي كده الموضوع بيختفى ههههههههههههه
بس كويس النصيب لسه ما جاش
بس بصراحه فكرة الجواز و الارتباط فكره جباره وبترعب لانها مسؤليه ومش كده وبس دى كمان حياه جديده الواحد رايح ليها يمكن رسملها صوره فى دماغه بعكس الصوره اللى فى دماغ التانى ويمكن ده اللى بيهدم الحياه دى معى اول خلاف
بس على فكره فى حاجه كمان احب اعلق عليها:
كلمة عنوسه صعبه شويه مش محبوبه لانها فعلا تعبير قاسي جدا بس الغريب اننا بنقول على الفتاه اللى عدة ال 30 عانس و الشاب اللى عدى ال 30 ان ده سن الشباب والانطلاق هههههههههه
حاجه عجيبه اوى و الاعجب الارتباط نفسه لان من رأي فى حاجات فى الحياه دى اهم او على نفس درجة اهميه الحب و الارتباط و الجواز لانن بما اننا بنبحس عن السعاده فأكيد فى مليون حاجه تانيه بتسببلنا سعاده


وميرسي على التوبك واتمنى انى اكون طولة .... لا مطولتش عليكم ولا حاجه هههههههه

هههههههههههههههههههههههههههههههههه

الحال من بعضه ههههههههههههههههه

بس النصيب لسه ما جاش

انا مش عارف احنا ليه بنستعمل لفظ العنوسه مع انه قاسي جدااااااااااااااااااااا

شكرااااااااااااا لمرورك يا نوووووووووووووووووووو

هههههههههههههههههههههههههههه


_______ حبيبي يا حبيبي يا حبيبي _______

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
عابرة سبيل
حبيبي يا حبيبي
حبيبي يا حبيبي


المساهمات : 1370
معدل النشاط : 17960
سجل في : 26/10/2007

مُساهمةموضوع: رد: يبقى أتجوز ليه.. وأنا مالي؟!   الأحد 28 أكتوبر 2007, 10:23 am

شكرا ميدو على موضوعك اصبح جميع المجتمعات تعاني من هذة المشكلة
وكلا ما ياخذ الانصيبة في هذة الدنيا


وتقبل مروري

عابرة سبيل
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
MIDO_MIX
حبيبي يا حبيبي
حبيبي يا حبيبي
avatar

ذكر
المساهمات : 2135
البلـد : القاهره
معدل النشاط : 18604
سجل في : 17/06/2007

مُساهمةموضوع: رد: يبقى أتجوز ليه.. وأنا مالي؟!   الثلاثاء 30 أكتوبر 2007, 10:29 pm

شكرااااااااااااااااااااااااااا لاهتمامك

_______ حبيبي يا حبيبي يا حبيبي _______

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
MIDO_MIX
حبيبي يا حبيبي
حبيبي يا حبيبي
avatar

ذكر
المساهمات : 2135
البلـد : القاهره
معدل النشاط : 18604
سجل في : 17/06/2007

مُساهمةموضوع: رد: يبقى أتجوز ليه.. وأنا مالي؟!   السبت 24 مايو 2008, 7:26 pm

شكر

_______ حبيبي يا حبيبي يا حبيبي _______

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
فؤاديه
مشرف حبيبي يا
avatar

انثى
المساهمات : 3059
معدل النشاط : 18603
سجل في : 18/06/2007

مُساهمةموضوع: رد: يبقى أتجوز ليه.. وأنا مالي؟!   السبت 24 مايو 2008, 11:31 pm


موضوع حلو اوى ياميدو
تسلم ايك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
MIDO_MIX
حبيبي يا حبيبي
حبيبي يا حبيبي
avatar

ذكر
المساهمات : 2135
البلـد : القاهره
معدل النشاط : 18604
سجل في : 17/06/2007

مُساهمةموضوع: رد: يبقى أتجوز ليه.. وأنا مالي؟!   الأحد 25 مايو 2008, 3:03 pm

[ندعوك للتسجيل في المنتدى أو التعريف بنفسك لمعاينة هذه الصورة]

_______ حبيبي يا حبيبي يا حبيبي _______

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
حمادة السيد
حبيبي يا باديها
حبيبي يا باديها
avatar

ذكر
الابراج : الحمل
الثعبان
المساهمات : 21
العمر : 28
البلـد : الجيزة
الوظيفة : شاعر غنائى
الهواية : كتابة الشعر وتشجيع النادى الاهلى
معدل النشاط : 16015
سجل في : 15/11/2008

مُساهمةموضوع: رد: يبقى أتجوز ليه.. وأنا مالي؟!   السبت 15 نوفمبر 2008, 8:25 pm

MIDO_MIX كتب:
oso كتب:
بص انا رايي وبصراحه
انا برفض الراي اللي بيقول ان الواحده مننا تقبل انها ترتبط بالطرف التاني علشان خايفه من
العنوسه او الناس هيقولوا عليها حاجه او اي كلام من ده
يعني تبقي جوازه وخلاص والسلام حتي لو كان الطرف ده انسان متحكم ومتسلط وبيفرض رايه
وخلاص يعني مفيش اي توافق بينهم وكمان بيستغل حبها ليه وبيضغط عليها
مفروض انها تاخد موقف وترفض فعلا من الاول قبل ما الموضوع يكمل وتتجوز ويضطروا
يسيبوا بعض وفي اطفال ساعتها الموقف هيبقي اصعب والاطفال هي اللي هتدفع التمن

واحنا عندنا مشكله هنا في مصر ان البنت خلاص لو عدت سن ال30 بيقولوا عليها عانس
مش عارفه ليه مع ان دلوقتي اللي بيتجوزا بقوا بيتجوزوا في سن متاخر بسبب ان كل حاجه
بقت اسعارها مرتفعه والبطاله والشباب هايص ومش عارف يكون نفسه واسباب كتيره اوي
فحرام بجد اننا نقول علي اي بنت متجوزتش عانس لان ده بيبقي نصيب

ومفروض فعلا زي ما قلت ان اي شاب يفكر انه يتجوز لازم يكون عارف ان الجواز ده مسؤليه
يعني هيشيل مسؤليه البيت كله وهيبقي راجل البيت فلازم يكون قدها ولو مكنش قدها يبقي
ياجل الجواز لغايه ما يكون قدها لانها مسؤليه كبيره
ولازم هما الاتنيين يشتركوا في المسؤليه دي ويبنوا البيت مع بعض يعني هما الاتنيين مع بعض

والجواز بدايه وحياه جديده في حياه كل اتنيين بس في ايديهيم انهم يخلوها بدايه وحياه جميله
وسعيده وفي ايديهم برضه انهم يخلوها بدايه وحياه تعيسه وكلها مشاكل يعني كل حاجه في
ادينا طالما احنا اخترنا من الاول صح

بشكرك يا ميدو علي الموضوع الجميل ده ومعلش طولت شويه في الرد


انا مقتنع برايك 100%
الانسان المتعلم العاقل هو الي لاازم يكون فاهم ان كل واحد مش يقدر يهرب من نصيبه
مش حكايه 30...40
ومفيش حاجه اسمها عنوسه

شكراااااااااااا لمرورك

مطولتيش ولا حاجه انتي نورتي الموضوع


ياباشا الجواز دا اكبر غلط وانتظر منى موضوع عن الجواز واللى بيعملة فى الناس اوك ؟
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
MIDO_MIX
حبيبي يا حبيبي
حبيبي يا حبيبي
avatar

ذكر
المساهمات : 2135
البلـد : القاهره
معدل النشاط : 18604
سجل في : 17/06/2007

مُساهمةموضوع: رد: يبقى أتجوز ليه.. وأنا مالي؟!   السبت 06 ديسمبر 2008, 9:18 pm

هههههههههههههههههههههههههههه
اوك ياماااااااااان
نورت التوبيك
ومنتظرين منك الموضووووووووووووووووووووووع

_______ حبيبي يا حبيبي يا حبيبي _______

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
يبقى أتجوز ليه.. وأنا مالي؟!
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
حبيبي يا ( عشاق المطرب محمد فؤاد ) :: 
حبيبي يا بيت الحبايب
 :: بيت الحبايب :: حوار صريح
-
انتقل الى: